Complies Bénédictines
Livret pdf latin-français à télécharger
Jube, Domne, benedícere.
Noctem quiétam et finem perféctum concédat nobis Dóminus omnípotens.
Amen.
Lectio brevis I. Petr. 5, 8-9.
Fratres, sóbrii estóte, et vigiláte: quia adversárius vester diábolus tamquam leo rúgiens círcuit, quærens quem dévoret: cui resístite fortes in fide. Tu autem, Dómine, miserére nobis.
Deo grátias.
Adjutórium nostrum in nómine Dómini.
Qui fecit cælum et terram.
Pater noster. secreto.
Confiteor Deo omnipoténti, beátæ Maríæ semper Vírgini, beáto Michaéli Archángelo, beáto Joánni Baptístæ, sanctis Apóstolis Petro et Paulo, beáto Patri nostro Benedícto, ómnibus Sanctis, et vobis, fratres : quia peccávi nimis cogitatióne, verbo et ópere: mea culpa, mea culpa, mea máxima culpa. Ideo precor beátam Maríam semper Vírginem, beátum Michaélem Archángelum, beátum Joánnem Baptístam, sanctos Apóstolos Petrum et Paulum, beátum Patrem nostrum Benedíctum, omnes Sanctos, et vos, fratres, oráre
pro me ad Dóminum Deum nostrum.
Misereatur tui omnípotens Deus, et, dimíssis peccátis tuis, perdúcat te ad vitam ætérnam.
Amen.
Indulgentiam , absolutiónem, et remissiónem peccatórum nostrórum tríbuat nobis omnípotens et miséricors Dóminus.
Amen.
Converto nos, Deus salutaris noster.
Et averte iram tuam a nobis.
Deus , in adjutorium meum intende
Domine ad adjuvandum me festina.
Glória Patri et Filio et Spiritui Sancto. Sicut erat in principio et nunc et semper, et in sæcula sæculorum. Amen.
Ps 4
Cum invocárem exaudívit me Deus justítiæ meæ, * in tribulatióne dilatásti mihi.
Miserére mei, * et exáudi oratiónem meam.
Fílii hóminum, úsquequo gravi corde ? * ut quid dilígitis vanitátem, et quǽritis mendácium
Et scitóte quóniam mirificávit Dóminus sanctum suum ; * Dóminus exáudiet me cum clamávero ad eum.
Irascímini, et nolíte peccáre ; * quæ dícitis in córdibus vestris , * in cubílibus vestris compungímini. Sacricáte sacrifícium justítiæ, † et speráte in Dómino. * Multi dicunt : Quis osténdit nobis bona ? Signátum est super nos lumen vultus tui, Dómine : * dedísti lætítiam in corde meo.
A fructu fruménti, vini, et ólei sui * multiplicáti sunt.
In pace in idípsum * dórmiam, et requiéscam ; Quóniam tu, Dómine, singuláriter in spe * constituísti me.
Glória Patri Patri et Filio et Spiritui Sancto. Sicut erat in principio et nunc et semper, et in sæcula sæculorum. Amen.
Ps 90
Qui hábitat in adjutório Altíssimi, * in protectióne Dei cæli commorábitur.
Dicet Dómino : Suscéptor meus es tu, et refúgium meum : * Deus meus sperábo in eum.
Quóniam ipse liberávit me de láqueo venántium, * et a verbo áspero.
Scápulis suis obumbrábit tibi : * et sub pennis ejus sperábis.
Scuto circúmdabit te véritas ejus : * non timébis a timóre noctúrno,
A sagítta volánte in die, † a negótio perambulánte in ténebris : * ab in cúrsu, et dæmónio meridiáno.
Cadent a látere tuo mille, † et decem míllia a dextris tuis : * ad te autem non appropinquábit.
Verúmtamen óculis tuis considerábis : * et retributiónem peccatórum vidébis.
Quóniam tu es, Dómine, spes mea : * Altíssimum posuísti refúgium tuum.
Non accédet ad te malum : * et flagéllum non appropinquábit tabernáculo tuo.
Quóniam Angelis suis mandávit de te : * ut custódiant te in ómnibus viis tuis.
In mánibus portábunt te : * ne forte offéndas ad lápidem pedem tuum.
Super áspidem, et basilíscum ambulábis : * et conculcábis leónem et dracónem.
Quóniam in me sperávit, liberábo eum : * prótegam eum, quóniam cognóvit nomen meum.
Clamábit ad me, et exáudiam eum : † cum ipso sum in tribulatióne : * erípiam eum et glorificábo eum.
Longitúdine diérum replébo eum : * et osténdam illi salutáre meum.
Glória Patri et Filio et Spiritui Sancto. Sicut erat in principio et nunc et semper, et in sæcula sæculorum. Amen.
Ps133
Ecce nunc benedícite Dóminum, *omnes servi Dómini :
Qui statis in domo Dómini, * in atriis domus Dei nostri.
In nóctibus extóllite manus vestras in sancta, * et benedícite Dóminum.
Benedícat te Dóminus ex Sion, * qui fecit cælum et terram.
Glória Patri et Filio et Spiritui Sancto. Sicut erat in principio et nunc et semper, et in sæcula sæculorum. Amen.
Hymnus
Te lucis ante términum, Rerum Creátor póscimus, Ut sólita cleméntia Sis præsul ad custódiam.
Procul recédant sómnia, Et nóctium phantásmata : Hostém que nostrum cómprime, Ne polluántur córpora.
Præsta, Pater omnípotens, Per Jesum Christum Dóminum, Qui te cum in perpétuum Regnat cum Sancto Spíritu.
Amen.
Tu autem in nobis es Dómine, et nomen sanctum tuum invocátum est supernos, ne derelínquas nos, Dómine Deus noster.
Deo grátias.
Custódi nos, Dómine, ut pupíllam óculi. (T.P.Allelúia)
Sub umbra alárum tuárum prótege nos. (T.P.Allelúia)
Kýrie eléison. Christe eléison. Kýrie eléison.
Pater noster
secreto usque ad :
Et ne nos indúcas intentatiónem.
Sed líbera nos a malo.
Domine, exáudioratiónem meam.
Et clamor meus ad te véniat.
Oratio
Vísita, quǽsumus Dómine, habitatiónem istam, et omnes insídias inimíci ab ea longe repélle : Angeli tui sancti hábitent in ea, qui nos in pace custódiant : et benedíctio tua sit super nos semper. Per Dóminum nostrum Jesum Christum fílium tuum : qui tecum vivit et regnat in unitate Spíritus Sancti Deus, per ómnia sǽcula sæculórum.
Amen
Domine, exáudioratiónem meam.
Et clamor meus ad te véniat.
Benedicámus Dómino.
Deo grátias.
Antienne mariale
du samedi veille du premier dimanche de l’Avent jusqu’au premier février
Alma Redemptoris Mater, quæ pervia cæli porta manes,
Et stella maris, succurre cadenti
Surgere qui curat, populo :
Tu quæ genuisti, natura mirante, tuum sanctum Genitorem,
Virgo prius ac posterius, Gabrielis ab ore sumens illud Ave,
peccatorum miserere
Du 2 février au vendredi Saint
Ave Regina cælorum, Ave Domina angelorum,
Salve radix, salve porta,
Ex qua mundo lux est orta :
Gaude, Virgo gloriosa,
Super omnes speciosa :
Vale, o valde decora,
Et pro nobis Christum exora.
Du dimanche de Pâques au vendredi dans l’octave de la Pentecôte
Regína cæli lætáre, allelúia,
Quia quem meruísti portáre, allelúia,
Resurréxit, sicut dixit, allelúia,
Ora pro nobis Deum, allelúia.
Du samedi suivant l’octave de la Pentecôte au vendredi précédant le premier dimanche de l’Avent
Salve, Regina, Mater misericordiæ, vita dulcedo et spes nostra, salve.
Ad te clamamus, exsules filii Evæ.
Ad te suspiramus, gementes et flentes in hac lacrymarum valle.
Eia ergo, advocata nostra, illos tuos misericordes oculos ad nos converte.
Et Jesum benedictum fructum ventris tui, nobis, post hoc exsilium, ostende.
O clemens, o pia, o dulcis
Virgo Maria